ඒවං මේ සුතං එකං සමයං භගවා සාවත්ථියං විහරති
ජේතවනේ අනාථපිණ්ඩිකස්ස ආරාමේ, තේන ඛෝ පන සමයේන
සූරියෝ දේවපුත්තෝ රාහුනා අසුරින්දේන ගහිතෝ හෝති.
අථ ඛෝ සූරියෝ දේවපුත්තෝ භගවන්තං අනුස්සරමානෝ.
තායං වේලායං ඉමං ගාථං අභාසි

නමෝ තේ බුද්ධවීරත්ථු - විප්පමුත්තෝසි සබ්බධි
සම්බාධ පටිපන්නෝස්මි - තස්ස මේ සරණං භවාති

අථඛෝ භගවා සූරියං දේවපුත්තං ආරබ්භ
රාහුං අසුරින්දං ගාථාහි අජ්ඣභාසි

තථාගතං අරහන්තං සූරියෝ සරණං ගතෝ
රාහු සූරියං පමුඤ්චස්සු - බුද්ධා ලෝකානුකම්පකාති

යෝ අන්ධකාරේ තමසී පභංකරෝ
වෙරෝචනෝ මණ්ඩලී උග්ගතෙජො,
මා රාහු ගිලි චරං අන්තලික්ඛෙ
පජං මම රාහු පමුඤච සූරියන්ති.

අථ ඛෝ රාහු අසුරින්දෝ සූරියං දේවපුත්තං
මුඤ්චිත්වා තරමානරූපෝ යේන වේපචිත්ති
අසුරින්දෝ තේනුපසඞ්කමි.
උපසඞ්කමිත්වා සංවිග්ගෝ ලෝම හට්ඨජාතෝ
ඒකමන්තං අට්ඨාසි.
ඒකමන්තං ඨිතං ඛෝ රාහුං අසුරින්දං
වේපචිත්ති අසුරින්දෝ ගාථාය අජ්ජභාසි.

කින්නුසන්තරමානෝ ව - රාහු සූරියං පමුඤ්චසී
සංවිග්ගරූපෝ ආගම්ම - කින්නුභීතෝච තිට්ඨසීති

සත්තධා මේ එලේ මුද්ධා - ජීවන්තෝ න සුඛං ලභේ
බුද්ධගාථාභීගීතෝම්හි - නෝ චේ මුඤ්චෙය්ය සූරියන්ති

~~~

නක්ඛත්ත යක්ඛ භූතානං පාපග්ගහ නිවාරණා
පරිත්තස්සානුභාවේන හන්තු තේසං උපද්දවේ

මෙම දේශනය පසුව සවන්දීම සඳහා මෙතනින් බාගත කරන්න. Download (3 MB)